بصراحة في حركات غبيه بنعملها في حياتنا اليومية وإحنا مش حاسين إنها غبيه ومع ذلك بنعملها
ليـــه ؟
مش عارف
* ليه اذا كانت بطارية الريموت كنترول ضعيفه نضغط بقوووووه على البطاريه؟؟؟؟
>>يعني كده ايديك هيا اللى بتشحن البطاريه
*ليه بنوطي صوت التسجيل أو الراديو في العربيه اذا توهت على الطريق؟؟؟
>>يعني كده الطريق هيبان ؟
*ليه اذا شفنا على الحيطه: احترس من الدهان؟...مابنصدقش وبنجرب بأصابعنا..
>> يعني لازم يحلفو !
*ليه اذا تأخر الاسانسير بنضغط على الزار اللى بيجيبه مية مرة؟؟؟
>>يعني كده بيحس على دمه وبيجى
*ليه اذا شربنا كانز وخلصناها بنهز العلبه؟؟
>>يعني مخبيين على اللي باقي جوه العلبه
*ليه لما بنكون قاعدين بمكان عام ونسمع رنة مسج ولارنة موبايل على طووووول بنشوف موبايلنا؟؟
>>هو محدش شايل موبايل غير سيادتك
*ليه لما بنلعب (لعبة عربيات) بنلف مع العربيه يمين وشمال
هو انتا راكب عربيه بى ام
موضوع: ركات غبيه بنعملها كل يوم.....مش عارف ليه 
السبت فبراير 03, 2007 6:17 am